അവളും അവനും അകത്തേക്ക് കയറി..
എന്റെ മുന്നില്‍ വാതില്‍ അടക്കപ്പെട്ടു
എന്റെ 'നോട്ടത്തെ' കുറിച്ചു അവളെ അറിയിചിരുന്നുവെങ്കില്‍ ...
ആ കൊച്ചു മുറിക്കു അകത്തേക്ക് എന്നെയും കയറ്റുമായിരുന്നു..
വാതിലിനു മുന്നില്‍ നിമിഷങ്ങള്‍ എണ്ണി ഞാന്‍....
അവന്‍ ഇനിയും പുറത്തു വന്നില്ല
അവനു അവളെ അറിയിക്കാനുമുള്ളത് എന്തായിരിക്കും
അവള്‍ക്കേറെ കാര്യങ്ങള്‍ അവനെ അറിയിക്കാന്‍ കാണുമായിരിക്കും..
അവന്‍ പുറത്തിറങ്ങി കൂടെ അവളും
എന്നോടവന്‍ പോവാമെന്നു ചുണ്ടനക്കി
കാശ് എടുത്തു നീട്ടിയതും അവള്‍ നിഷേധാര്‍ത്ഥത്തില്‍ തലയിളക്കി
വിവരിക്കാന്‍ പോവുന്ന കാര്യങ്ങളോര്‍ത്തു എന്നില്‍ ജിജ്ഞാസ നിറഞ്ഞു
അവന്റെ നോട്ടത്തിനു കുഴപമില്ലന്നവന്‍ പറഞ്ഞപ്പോള്‍
എന്റെ നോട്ടത്തെ കുറിച്ച് അറിയിക്കാന്‍ ആഗ്രഹിച്ചു
തിരിഞ്ഞു നോക്കാന്‍ തുടങ്ങവേ
എന്നെയും കടന്നു പോയ കാലത്തില്‍ ആയി എന്റെ നോട്ടം
(സുഹൃത്തിന്റെ കൂടെ കണ്ണാശുപത്രിയിൽ പോയപ്പോൾ ..)
No comments:
Post a Comment